Mənbə: Google

“Putinin şahidləri” filmində tanınmış rejissorun üzü gizlədilib

“Bu hərəkət absurd tələblərin rəsmi şəkildə yerinə yetirilməsidir”

“Putinin şahidləri” adlı sənədli ekran işinin Ukraynada nümayişi zamanı filmdə yer alan tanınmış rejissor Nikita Mixalkovun üzü distributor tərəfindən gizlədilib.

“Nə qədər gülünc olsa da, bu, həqiqətdir”, - filmin rejissoru Vitali Manski məsələni şərh edərkən BBC-yəbelə deyib:

“Zənnimcə, bu addım, hər şeyi yaxşı anlayan insanların böyük məna kəsb etməyən qanunlara tabe olmaq oyunudur. Bu hərəkət absurd tələblərin rəsmi şəkildə yerinə yetirilməsidir. Açığı, belə etdiklərinə çox təəssüflənirəm. Bu üzdə (Nikita Mixalkovun üzündə) film üçün çox vacib olan ifadə var, baxışları, onun göstərdiyi münasibət, qeyri-səmimiliyi – bütün bunlar təsadüfi deyil və səhnəni dramaturji baxımdan tamamlayırdı. Daha neyləmək olar, olanımız budur”.

Nikita Mixalkov 2018-ci ilin əvvəlində Ukrayna Mədəniyyət Nazirliyi tərəfindən milli təhlükəsizliyə təhdid yaradan şəxslər siyahısına daxil edilib.

Mədəniyyət Nazirliyinin qara siyahısına o cümlədən müğənni Oleq Qazmanov, İosif Kobzon, Nikolay Rastorquev, Stas Pyexa, Qriqoriy Leps, müğənni Valeriya və onun həyat yoldaşı, prodüser İosif Priqojin, aktyorlar Sergey Bezrukov, Mixail Boyarski, İvan Oxlobıstin, Mixail Poreçenkov, Jerar Depardye və rejissor Nikita Mixalkov da düşüb.

Rusiyalı sənətçilərin qara siyahıya düşməyinin əsas səbəbi isə Krımın ilhaqını dəstəkləməsi və ölkənin şərqindəki tanınmamış respublikaları qoruyan silahlı üsyançıları müdafiə etməsi olub.

“Putinin şahidləri” adlı sənədli film Vladimir Putinin 1999-cu və 2000-ci illərdə hakimiyyətə gəldiyi dövrdə baş verən hadisələr barədədir. Ekran işində istifadə edilən kadrlar rejissor Vitali Manski tərəfindən 18 il öncə çəkilib.

Rusiyanın Kinematoqrafçılar Birliyinin sədri, Amerika Kino Akademiyasının kinematoqrafiya sənəti və elmləri üzrə Oskar mükafatçısı, rejissor Nikita Mixalkov 2015-ci ildə 70 illik yubileyi münasibətilə Bakıya yaradıcılıq səfəri çərçivəsində ustad dərsləri keçib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/rw1x1k

Ən çox baxılan