Prezidentlər İlham Əliyevlə Serj Sarkisyanın Sankt- Peterburq görüşü haqqında danışıblar
ABŞ prezidenti Barak Obama Rusiya prezidenti Vladimir Putinlə telefon danışığı zamanı Dağlıq Qarabağ münaqişəsinə dair Rusiya ilə birgə səyləri gücləndirməyə hazır olduğunu bildirib. APA-nın məlumatına görə, bu barədə Ağ Evin yaydığı açıqlamada bildirilir.
“Prezident Obama Dağlıq Qarabağ münaqişəsinin hərtərəfli həllinə nail olmaq üçün Rusiya və Fransa ilə birlikdə ATƏT-in Minsk qrupunun həmsədrləri qismində səylərini artırmağa hazır olduğunu bildirib”, məlumatda deyilir.
Kremlin mətbuat xidməti isə yayıb ki,Vladimir Putin iyunun 20-də Sankt-Peterburqda Azərbaycan prezidenti İlham Əliyev və Ermənistan prezidenti Serj Sarkisyanın iştirakı ilə keçirilən üçtərəfli görüşün yekunlarına dair Barak Obamanı məlumatlandırıb.
Telefon danışığının Rusiyanın təşəbbüsü ilə baş tutduğu bildirilir.
