Vladimir Putin Azərbaycan və Ermənistan prezidentləri ilə əvvəlcə ayrılıqda, daha sonra isə üçtərəfli formatda görüşəcək
Azərbaycan prezidenti Ilham Əliyev Dağlıq Qarabağ münaqişəsinin nizamlanması ilə bağlı sammitdə iştirak etmək üçün Sankt-Peterburqa gedib.
APA-nın Rusiya bürosunun məlumatına görə, Azərbaycan prezidenti bu gün Rusiya prezidenti Vladimir Putin və Ermənistan prezidenti Serj Sarkisyanla görüşəcək.
Rusiya prezidentinin köməkçisi Yuri Uşakov Vladimir Putinin Azərbaycan və Ermənistan prezidentləri ilə əvvəlcə ayrılıqda, daha sonra isə üçtərəfli formatda görüşəcəyini bildirib.
