Prokurorluq bildirib ki, iş ciddi və ya ardıcıl sübutların olmaması səbəbindən bağlanıb
Fransa polisinin yazıçı Frederik Beqbederə qarşı zorlama ittihamı ilə əlaqədar 2023-cü ilin dekabrında başladığı istintaqı dayandırdığı bildirilir.
Po şəhərinin Prokurorluğu bildirib ki, iş ciddi və ya ardıcıl sübutların olmaması səbəbindən bağlanıb.
2023-cü ilin iyulunda adı açıqlanmayan gənc bir qadın Beqbederə qarşı polisə şikayət etmişdi.
Nəticədə Beqbeder Po şəhərinin Polis İdarəsində saxlanılaraq, 8 saat ərzində dindirilmişdi.
Frederik Beqbeder “Komadakı tətil” (1995), “Məhəbbət üç il yaşayır” (1997), “Ekstaz haqqında hekayələr” (1999), “99 frank” (2000) romanlarının müəllifidir.
2009-cu ildə yazıçı avtobioqrafik “Fransız romanı”na görə Fransanın “Renaudo” mükafatına layiq görülüb.
