Elçin Sadıqov: “İndiyə qədər Ali Məhkəmə tərəfindən cinayət işinin tələb edilməsi barədə də heç bir məlumat yoxdur”
Jurnalist və hüquq müdafiəçisi Pərviz Həşimlinin işi üzrə vəkili Elçin Sadıqov tərəfindən verilmiş kassasiya şikayəti Ali Məhkəmənin hakimi Hafiz Nəsibovun icraatındadır.
Bu barədə Meydan TV-yə vəkil Elçin Sadıqov məlumat verib.
Onun sözlərinə görə, kassasiya şikayəti iyunun 17-də verilməsinə baxmayaraq, bugünə qədər məhkəmə iclası təyin edilməyib: “İndiyə qədər Ali Məhkəmə tərəfindən cinayət işinin tələb edilməsi barədə də heç bir məlumat yoxdur. Kassasiya şikayəti üzrə baxışın hələ təyin edilməməsi bununla bağlı ola bilər”.
