Hadisənin olduğu küçə

Mənbə: google.az

Başlıq: Hadisənin olduğu küçə

Parisdə polis qərargahında 4 nəfər öldürülüb

Hadisəni törədən şəxsin özü də başqa bir polis tərəfindən öldürülüb

Parisin mərkəzində yerləşən polis qərargahında çalışan 45 yaşlı İT mütəxəssisi cümə axşamı üç polis məmurunu və bir administrativ işçini bıçaqlayaraq öldürüb. “Reuters” xəbər verir ki, hadisədən zamanı o, binadakı digər bir polis məmuru tərəfindən vurularaq öldürülüb.

Fransız səlahiyyətliləri nahar vaxtı baş verən hücumun səbəbinin nə olduğunu söyləməkdən imtina ediblər və əlavə ediblər ki, hadisənin terrorla əlaqəli olub-olmadığını hələ də anlamağa çalışırlar.

Lakin polisə yaxın mənbələr Fransa mediasına bildiriblər ki, hadisə hücum edən şəxsin menecerləri ilə narazılığı zəminində baş verib.

Polis birliyinin lideri Jeann-Mark Bailleul hadisəni terror aktı deyil, cinayət kimi xarakterizə edib.

"Dəlilik anı olub",- Bailleul BFM TV-yə açıqlamasında deyib.

Notre-Dame Katedralina yaxın olan polis qərargahının ətrafı mühasirəyə alınıb və təhlükəsizlik səbəbiylə bir metrostansiya da bağlanıb.

Paris prokuroru Remy Heitzə görə öldürülənlər üç kişi və bir qadındır. Yaralı digər bir nəfər isə əməliyyata göndərilib.

Heitz deyib ki, polislər hücum edən şəxsin evini axtarıblar və anti-terror mütəxəssislər hadisəni dəyərləndirərək, terrorizmlə əlaqəli olub-olmadığını araşdırmağa çalışırlar.

Fransanın daxili işlər naziri Kristof Kastaner deyib ki, hücum edən şəxs onun həmkarlarına tanışdır və o, bir müddət İT departmanetində çalışıb.

"O, heç vaxt davranış qüsurları nümayiş etdirməyib və heç vaxt bugünkü hadisəyə qədər həyəcan təbili üçün zərrə qədər də səbəb verməyib”,- Kastaner deyib.

Çərşənbə günü minlərlə polis bu il sıralarında olan onlarla insanın intiharına səbəb olan pis iş şəraitinə etiraz olaraq Paris küçələrinə çıxıblar.

Polis birliklərinin verdiyi son məlumata görə, 2019-cu ildə 52 polis əməkdaşı intihar edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/cocszx

Ən çox baxılan