Mənbə: google

Pakistan Kəşmirə görə Hindistanla əlaqələri azaldır

Məqalə yeniləndi:  8 Avqust 2019

Srinaqar şəhərinin küçələri artıq üçüncü gündür ki, boşaldılıb

Pakistan çərşənbə günü Hindistanla Yeni Dehlinin nəzarətində olan Kəşmir bölgəsinin statusunun ləğvindən sonra diplomatik əlaqələri azaldacağını və əzəli rəqibi ilə apardığı ikitərəfli ticarəti dayandıracağını deyib, - “Reuters” xəbər verir

Çin və Pakistan Hindistanın ölkənin azlıqda olan müsəlmanlarının əksəriyyət şəkildə yaşadığı tək ərazisində müsəlmanlara öz qanunlarını qəbul etmə imkanı verən konstitusiya müddəasının ləğv etməsinə qarşı çıxıblar.

Nüvə silahına sahib Hindistan və Pakistan iki dəfə Kəşmir üzərində müharibə edib. Bu ilin fevralında hər iki tərəf hava sahəsində münaqişə yaşayıblar. 30 ildir Kəşmirdəki üsyançılarla mübarizə aparan Hindistan bölgəyə verilmiş xüsusi statusun Kəşmirin inkişafına mane olduğunu və bölgəni ölkənin qalan hissəsinə tam integrasiya etdirilməsini istədiyini deyib.

Hindistanın Xarici İşlər Nazirliyinin sözcüsü Pakistanın hərəkətinə münasibət bildirmək istəməyib.

Minlərlə Hindistan təhlükəsizlik qüvvəsi bu həftə Kəşmirdə vəziyyəti nəzarət altında tutmağa çalışır. Bölgədə xüsusi status ləğv edildikdən sonra telefon və internet xidmətləri dayandırılıb. Kəşmirdə etiraz aksiyaları genişlənməkdədi

Srinaqar şəhərinin küçələri artıq üçüncü gündür ki, boşaldılıb. Demək olar ki, bütün mağazalar bağlanıb, bəzi apteklərə qadağalar qoyulub. Silahlı federal polis şəhər daxilində insanların hərəkətini məhdudlaşdıran səyyar nəzarət məntəqələri qurub.

“Bazar günü başlayan telekommunikasiya kəsintisinə görə qəzəb içərisində olan gənc etirazçılar əsgərlərə və polisə daş atırlar,“- şahidlər deyir.

“The Huffington Post” yazır ki, xəstəxanaya gözündən yaralı 13 nəfər yerləşdirilib. Hindistanın Daxili İşlər Nazirliyi insidentdən xəbərsiz olduğunu deyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  8 Avqust 2019
Bölmələr:  
qısa linklər:   http://mtv.re/i998tv

Ən çox baxılan