Özbəkistan prezident aparatı İslam Kərimovun ölüm xəbərini təkzib edib.
APA-nın RİA Novosti agentliyinə istinadən verdiyi məlumata görə, bu barədə prezident aparatındakı mənbə bildirib.
“Prezident İslam Kərimovun vəziyyəti sabitdir”, deyə mənbə bildirib.
***
Bu barədə məlumatı “fergananews.com” saytı yazıb. Saytın mənbələrinə istinadən yaydığı xəbərə görə, İslam Kərimov avqustun 29-da, günorta saatlarında dünyasını dəyişib.
Özbəkistan höküməti hələlik bu barədə rəsmi məlumat verməyib.
Bundan əvvəl, İslam Kərimovun qızı Lola Kərimova-Tillayeva öz Facebook səhifəsində atasının beyninə qan sızdığını bildirmişdi. Ancaq özü atasının öıümü barədə heç bir məlumat verməyib.
