“Oskar”ı Alexandro Qonsales İnyarritu aldı

Oskarı “Leviafan” deyil, “İda” qazandı

Source:

Yayımlandı: 23 Fevral 2015 10:49


Oskarı “Leviafan” deyil, “İda” qazandı

Lenta.ru saytının məlumatına əsasən, rejissor Alexandro Qonsales İnyarritu “Bördmen” filminə görə “Oskar” mükafatını alıb. O cümlədən, film ən yaxşı ssenari və ən yaxşı operator (Emmanuel Lyubeski) işinə görə mükafat qazanıb.

“Stiven Hokinqin kainatı” filmində baş roluna görə Eddi Rödmeyn ən yaxşı aktyor nominasiyasına layiq görülüb. Culiana Mur isə “Hələ də Alis” filmindəki roluna görə “Ən yaxşı aktrisa” nominasiyasını qazanıb.

Ən yaxşı xarici film nominasiyasında Polşa istehsalı olan “İda” filmi Oskar mükafatı qazanıb. Rejissor Pavel Pavlikovskinin filmi yəhudi əsilli olduğunu öyrənən bir rahibə barədədir.

Xarici filmlər sırasında Rusiya istehsalı olan “Leviafan” filmi də vardı. Rusiyada hakimiyyət və korrupsiyasının gücündən bəhs edən bu film Azərbaycanda da maraqla qarşılanmışdı.

İkinci planda ən yaxşı kişi rolu – C.K.Simmons, “Tutulma”, (“Whiplash”)

İkinci planda ən yaxşı qadın rolu – Patrisiya Arkett, “Yeniyetməlik” (“Boyhood”)

Ən yaxşı adaptasiya olunmuş ssenari – “İmitasiya oyunu” (“The İmitation game”)

Ən yaxşı dizayn olunmuş kostyumlar – “Qrand Budapeşt” oteli” (“The Grand Budapest Hotel”)

Ən yaxşı qrim və saç düzümü- “Qrand Budapeşt” oteli”

Ən yaxşı animasiya filmi – “Qəhrəmanlar şəhəri” (“Big hero”)

Ən yaxşı sənədli film – “Vətəndaş dörd” (“Citizen four”)

Ən yaxşı qısametrajlı film – “Telefon zəngi” (“The Phone Call”)

Ən yaxşı qısametrajlı animasiya filmi – “Menyu” (“Menu”)

Ən yaxşı montaj – “Tutulma”

Ən yaxşı səs montajı – “Amerika snayperi” (“American Sniper”)

Ən yaxşı səs – “Tutulma”

Ən yaxşı mahnı – “Selma”, Glory

Ən yaxşı soundtrek – “Qrand Budapeşt” oteli”

Qısa link: https://storage.googleapis.com/qurium/www.meydan.tv/az-article-oskari-alexandro-qonsales-inyarritu-aldi.html
Ana səhifə ▸ Xəbərlər ▸ “Oskar”ı Alexandro Qonsales İnyarritu aldı

Oxşar məqalələr