Baş Prokurorluq

Mənbə: Meydan TV

Başlıq: Baş Prokurorluq

Orkestrin bədii rəhbəri rüşvət ittihamı ilə saxlanılıb

Lütfi Qədirov barəsində həbs-qətimkan tədbiri seçilib

Azərbaycan Dövlət Nəfəs Alətləri Orkestrinin bədii rəhbəri Lütfi Qədirovun rüşvət alması haqda şübhələr var.

Bu barədə araşdırmanı Korrupsiyaya Qarşı Mübarizə Baş İdarəsi aparıb.

Baş Prokurorluğun yaydığı açıqlamada bildirilir ki, Lütfi Qədirov tabeçiliyində olan əməkdaşlardan külli miqdarda rüşvət alıb. Təxminən 54 min manatdan artıq.

“O, bu işdə orkestrin digər vəzifəli şəxsləri ilə əlbir olub. Hazırda həmin şəxslərin kimliyi araşdırılır. Onlar işə gəlməyən adamların əmək müqaviləsinə xitam verməyiblər. Adlarını işdə saxlayıblar. Onlara yazılan maaşı özləri alıblar. Əvəzində həmin şəxslərə əmək stajı yazılıb. Söhbət 54 min manatdan artıq pulun mənimsənilməsindən gedir”.

Prokurorluq bildirir ki, bu cinayət əməllərinə görə Lütfi Qədirova Cinayət Məcəlləsinin 311.3-cü (qabaqcadan əlbir olaraq külli miqdarda təkrar rüşvət alma) maddəsi ilə ittiham elan olunub. Barəsində Binəqədi Rayon Məhkəməsinin qərarı ilə 4 ay müddətinə həbs qətimkan tədbiri seçilib:

“Hazırda cinayət işi üzrə digər təqsirli olan digər şəxslər axtarılır”.

Meydan TV Azərbaycan Dövlət Nəfəs Alətləri Orkestrinin əməkdaşları ilə əlaqə saxlaya bilməyib. Lütfi Qədirovun vəkili və ya yaxınları bu haqda hər hansı məlumat yaymayıblar.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/yiqmia

Ən çox baxılan