Mənbə: Meydan.TV

Online təhsildən kənar qalanlar: "Bizim kənddə nəinki internet, daimi işıq da yoxdur"

Online təhsildən kənar qalanlar: "Bizim kənddə nəinki internet, daimi işıq da yoxdur"

Pandemiya dövründə təhsil müəssisələri qapadıldıqdan sonra online dərslərin tədrisinə başlanıb.

Bəs bu üsulla hər kəs aldığı təhsili davam etdirə bilirmi?

Qərb Universitetinin ikinci kurs tələbəsi Əhməd Məmmədli yaşadığı məhdudiyyətlərdən danışır:

“Cəlilabad rayonunun Cəngan kəndində yaşayıram. Burada nəinki internet şəbəkəsi, heç 24 saatlıq elektrik enerjisi də mövcud deyil. Mən online dərslərə vaxtında qoşula bilmirəm”.

Ekspertlər hesab edir ki, yaranan çətinliklər online tədrisin ölkə üçün yenilik olmasından qaynaqlanır.

"Təhsil haqqında" qanuna görə, Azərbaycanda təhsil almanın formalarından biri də distant, yəni məsafəli təhsildir. Bu, tədris prosesi elektron vasitələrlə təşkil olunur. Amma təhsilin bu forması qanunda öz əksini tapsa da, tətbiq olunmayıb.

“Distant təhsil bir çox ölkələrdə tətbiq olunur. Bizim geri qalmağımızın əsas səbəbi odur ki, Azərbaycan hökuməti üçün təhsil prioritet məsələ deyil. Hökumət belə pulları ayırır hüquq-mühafizə orqanlarına. Hansı ki, bu təşkilatlar hakimiyyətin möhkəmlənməsinə xidmət edir. Bu ilki dövlət büdcəsində təhsil xərcləri 11 faiz, hüquq-mühafizə orqanlarına ayrılan xərclər isə 22 faizdən də çoxdur”-təhsil üzrə ekspert Nabatəli Qulamoğlu hökumətin təhsilə biganə yanaşdığını deyir.

Pandemiyadan öncə Təhsil Nazirliyi üniversitetlərin maddi-texniki bazasının distant təhsilin tətbiqinə imkan vermədiyini, lakin bu sahədə işlər görüldüyünü bildirirdi. İndi isə zərurətdən başlanılan online tədris metodunun daha sonra inkişaf etdiriləcəyi deyilir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/0vw777

Ən çox baxılan