Tural Şaxtaxtinskinin yeni hekayələr toplusu oxucuların ixtiyarına verildi
Mayın 22-də gənc yazar Tural Şahtaxtinskinin “On beş insan” adlı hekayələr kitabının təqdimat mərasimi keçirilib. Kitab on bir hekayədən ibarətdir.
Müəllif kitabda toplanan hekayələrin süjetləri və qəhrəmanları ilə bugünki cəmiyyətimizin ağrılı ictimai-sosial problemlərini, acı reallıqlarını və mənəvi sarsıntılarını əks etdirməyə çalışdığını deyir:
“Hekayələrdə təsvir olunan hadisələrin və obrazların heç biri oxucu üçün gözlənilməz olmamalıdır, çünki yaşadığımız toplumda və mühitdə onlarla hər addımda qarşılaşa bilərik”.
