Prezident idman oyunlarına pul qoyuluşu edirmiş
ABŞ prezidenti Barak Obama qaydaları pozduğunu etiraf edib. O, idman oyunlarına pul qoyuluşu etdiyini bildirib. ABŞ-da isə idman oyunlarına pul qoyuluşu etmək qadağandı. Obama
“The Late Show”
proqramına müsahibə verərkən belə deyib:
“Hər Superboldan sonra qalib komandaya zəng edirəm. Hərdən məğlublara da zəng edirəm. Xüsusən də onların oyununa pul qoyuluşu etmişəmsə”.
Bu məqamda aparıçı Stiven Kolber Obamaya ABŞ-da idman oyunlarına pul qoyuluşunun qadağan olduğunu xatırladıb. Prezident ona belə cavab verib:
“Mən prezidentəm. Özüm özümü bağışlayaram”.
ABŞ-da keçirlən sonuncu Superbolda “Denever” “Korolina”ya qalib gəlib – 24:10. Bu qarşılaşmanı 111,9 milyon insan izləyib.
