ABŞ prezidenti Barak Obama Rusiya prezidenti Vladimir Putinlə telefon danışığında onu ukraynalı pilot Nadejda Savçenkonu azad etməyə çağırıb.
“İnterfaks” agentliyinin verdiyi məlumata görə, bunu ABŞ-ın Moskvadakı səfirliyinin mətbuat katibi Uill Stiven deyib. O bildirib ki, prezidentlər arasında martın 15-də gerçəkləşən telefon danışığı zamanı bu məsələyə də toxunulub: “Prezident Obama öz rusiyalı həmkarını həbsdəki pilot və parlamentar Nadejda Savçenkonu Minsk razılaşmalarının müvafiq müddəalarına uyğun olaraq azadlığa buraxmağa çağırıb”.
Qeyd edək ki, Kreml və Ağ Evin məlumatlarında Obama və Putinin telefon danışığında Suriyadan Rusiya qoşunlarının çıxarılmasının müzakirə olunduğu bildirilmişdi.
Nadejda Savçenkoya hökm martın 21-də oxunmalıdır.
Çərşənbə günü o, son söz çıxışını edib.
Savçenko özünə qarşı cinayət işini qanunsuz, məhkəmə prosesini isə qeyri-legitim saydığını bəyan edib.
Martın 9-da Ukrayna prezidenti Petro Poroşenko ilk dəfə olaraq Savçenkonu, belə bir təklif olsa, dəyişməyə hazır olduğunu bildirib.
