Patrik Modianonun qəhrəmanları başlanğıcın, kökün, keçmişin axtarışı vasitəsilə özünüdərkə cəhd edirlər.
2014-cü il Nobel Ədəbiyyat mükafatının sahibi açıqlanıb. Lenta.ru-nun xəbərinə görə, Nobel Ədəbiyyat Mükafatının sahibi fransız yazıçı Patrik Modianodur.
Patrik Modiano “Ən ağlasığmaz insan talelərini təsvir edən və işğal altındakı həyatı göstərən təxəyyül və ifadə sənətinə görə” Nobel mükafatına layiq görülüb.
Patrik Modiano 30 iyul 1945-ci ildə varlı ailədə anadan olub. Atası Toskanada məskunlaşmış qədim yəhudi nəslindəndir. Anası isə flamand aktrisasıdır. 1942-ci ildə Parisin almanlar tərəfindən işğalı ərəfəsində tanış olmuş valideynləri 1944-cü ildə ailə həyatı qurublar.
Patrik Modiano əvvəlcə IV Henrix adına Paris liseyində sonra isə Ansi kollecində təhsil alıb.
Modianonun “Ulduz meydanı” adlanan ilk romanı 1968-ci ildə nəşr olunub və dərhal müəllifə məşhurluq gətirib.
Onun əsərləri daha çox avtobioqrafikdir və İkinci Dünya Müharibəsi zamanı Fransanın işğalı ilə əlaqədardır.
Modianonun qəhrəmanları başlanğıcın, kökün, keçmişin axtarışı vasitəsilə özünüdərkə cəhd edirlər.
“Qara piştaxtalar küçəsi” romanına görə 1978-ci ildə Qonkur mükafatı alıb.
Patrik Modiano ailəlidir. 1970-ci ildə ailə həyatı qurub. İki qızı var.
