14 saylı cəzaçəkmə müəssisəsindəki dindar vicdan məhbusları isə “tubzon”a köçürülüb
NİDA Vətəndaş Hərəkatının həbsdə olan üzvləri Rəşadət Axundov- 10 saylı, Rəşad Həsənov – 6 saylı, Məmməd Əzizov isə 2saylı cəzaçəkmə müəssisələrinə köçürülüblər.
Meydan TV-yə məlumatı hərəkatın üzvü Nicat Məmmədbəyli verib. O, bildirdi ki, Rəşad Həsənovu yanvarın 6-da köçürüblər.
Başqa bir məlumata görə, 14 saylı cəzaçəkmə müəssisəsindəki dindar vicdan məhbusları “tubzon”a köçürülüb. Səbəb müəssisə rəhbərliyinin dekabrın 22-də işgəncə nəticəsində öldürülən məhkum Elşad Babayevlə bağlı məhbusların etirazında onları təşkilatçı kimi görmələridir.
“Tubzon” vərəm xəstələri üçün nəzərdə tutulmuş müalicə müəssisəsidir.
