Ağabəy Əsgərov 2005-ci ildən bu vəzifədə çalışırdı
Ağabəy Əsgərov “Azərbaycan” nəşriyyatının baş direktoru vəzifəsindən azad edilib.
Bu barədə Prezident İlham Əliyev sentyabrın 30-da sərəncam
imzalayıb.
Ağabəy Əsgərov 2005-ci ildən nəşriyyatın direktoru vəzifəsində çalışıb.
1956-cı ildə Bakı şəhərində doğulan Ağabəy Əsgərov Azərbaycan Dövlət Universitetinin şərqşünaslıq fakültəsini bitirib.
O, filologiya elmləri namizədidir.
Ağabəy Əsgərov 1995-2005-ci illərdə Milli Məclisin üzvü olub.
A.Əsgərov 1991-2005-ci ildə "Səs" qəzetinin baş redaktoru olub.
O, həmin vəzifədə 1991-ci il yanvarın 11-dən 2005-ci ilin aprelinə kimi çalışıb.
O, 2017-ci ildə “Şöhrət” ordeni ilə təltif olunub.
Hazırda Yeni Azərbaycan Partiyasının Veteranlar Şurasının üzvüdür.
