ABŞ-nin oktyabr üçün xam neft fyuçersləri 1 dollar və ya 1,5 faiz artaraq 68,31 dollar olub
Dünya bazarında neftin qiyməti sentyabrın 12-də 1 faizdən çox artıb. Səbəb Francine qasırğasının ABŞ hasilatına təsirindən narahatlıqdır.
Brent markalı neftin noyabr fyuçersləri 94 sent və ya 1,3 faiz artaraq barel üçün 71,55 dollar olub.
ABŞ-ın oktyabr üçün xam neft fyuçersləri 1 dollar və ya 1,5 faiz artaraq 68,31 dollar olub.
Bir gün əvvəl ABŞ-nin Meksika körfəzindəki dəniz platformaları bağlanıb və Francine qasırğası Luiziana ştatının cənubuna enib. Nəticədə sahilyanı neft emalı zavodunun fəaliyyəti dayanıb.
UBS analitikləri bildirir ki, “Fransina qasırğası, ehtimal ki, ABŞ-nin təxminən 1,5 milyon barel neft hasilatına mənfi təsir edib”.
Onlar Brent markalı neftin növbəti aylarda yenidən 80 dollara qalxacağını gözləyirlər.
Çərşənbə günü Enerji İnformasiya Administrasiyası (EIA) bildirib ki, ABŞ-nin neft ehtiyatları keçən həftə xam neft idxalının artması və ixracın azalması səbəbindən bütün miqyasda artıb.
