Nazirlik: Benzinin bahalaşmasının hər hansı sahəyə təsirindən danışmaq yersizdir

“Azərbaycanda “Aİ-98 super” markalı benzinin bahalaşması heç bir sahəyə təsir etməyəcək”.

Source:

Yeni benzin qiymətləri
Yeni benzin qiymətləri
Yeni benzin qiymətləri
Yeni benzin qiymətləri


“Azərbaycanda “Aİ-98 super” markalı benzinin bahalaşması heç bir sahəyə təsir etməyəcək”.

Bu barədə İqtisadiyyat Nazirliyinin İctimaiyyətlə əlaqələr şöbəsinin müdiri Abbas Əliyev APA-ya bildirib.

“Sözügedən markalı benzin Azərbaycanda istehsal olunmur və idxala bağlıdır, bu səbəbdən onun qiyməti dövlət tərəfindən tənzimlənmir. Beləliklə, qiymət dəyişikliyinin hər hansı sahəyə təsirindən danışmaq yersizdir. Bəzi xəbər saytlarının bu mövzuda ajiotaj yaratması yolverilməzdir”, – deyə A. Əliyev qeyd edib.

Qurum rəsmisi bildirib ki, “Super” markalı benzindən çox az sayda lüks avtomobillərdə istifadə olunur.

Bu gündən etibarən Azərbaycanda “Aİ-98 super” markalı 1,20 manatdan 1,30 manatadək bahalaşıb.

“Super” markalı benzin yalnız “SOCAR Petroleum” QSC-nin yanacaqdoldurma məntəqələrində satılır.

Adıçəkilən şirkətin mətbuat xidmətindən “APA-Economics”ə bildirilib ki, qiymət artımı bu gün səhər 08:00-dan etibarən baş verib. “Bilirsiniz ki, “Super” markalı benzin Azərbaycana idxal olunur və yalnız SOCAR brendi altında fəaliyyət göstərən yanacaqdoldurma məntəqələrində satılır. Qiymət artımına səbəb mənbədə, yəni Rumıniyada bu markadan olan benzinin bahalaşmasıdır”, – deyə şirkət rəsmisi bildirib.

Qiymətin qalxmasını Meydan TV-yə şərh edən iqtisadçı-alim, sabiq deputat Nazim Bəydəmirli “A-98 Super” benzinin Azərbaycana idxal olunduğunu deyib.

Nazim Bəydəmirli təəssüflənir ki, son 20 ildə yerli zavodlar müvafiq standartlara cavab verən benzin istehsalını həyata keçirə bilməyib. Ekspert deyir ki, bunun üçün böyük vəsaitlər də lazım deyildi. “Sadəcə, zamanında xam neftin satışına üstünlük verən SOCAR “A-98 Super” beznzinin daha dərin emal olunmasına vəsait ayırmalı idi. Artıq “qatar gedib”, gecdir”.

Ana səhifəXəbərlərNazirlik: Benzinin bahalaşmasının hər hansı sahəyə təsirindən danışmaq yersizdir