Hacı Taleh Bağırzadə həbs olunub
15.18 APA bildirir ki, xəstəxanaya çatdırılan zaman həlak olan şəxs polis əməkdaşıdır. Məlumata görə, hadisə nəticəsində daha bir neçə polis əməkdaşı yaralanıb. Bildirilir ki, əməliyyat zamanı polisə silahlı müqavimət göstərilib.
14:57
Sabunçu Rayon Polis İdarəsindən APA-ya təsdiqləyiblər ki, Nardaran qəsəbəsindən xüsusi əməliyyat keçirilib. Əməliyyat zamanı bir neçə nəfər saxlanılıb.
Baş Prokurorluğun mətbuat xidmətindən APA-nın sorğusuna cavab olaraq bildirilib ki, baş vermiş insidentlə bağlı polis və prokurorluq orqanları tərəfindən müvafiq araşdırmalar aparılır, nəticəsi barədə ictimaiyyətə məlumat veriləcək.
***
14:55
3 saylı Klinik Xəstəxanadan Meydan TV-yə yaralıların gətirildiyini təsdiqləyiblər. Ancaq neçə nəfər olduğu barədə məlumat yoxdur
***
İslamezeri.az saytı xəbər verir ki, atışma dindarların qəsəbədə həbsi əməliyyatı zamanı baş verib. İlahiyyatçı Taleh Bağırzadə və bir neçə dindar saxlanılaraq naməlum istiqamətə aparılıb. Hazırda Sabunçu Rayon Polis İdarəsinin qarşısında xeyli sayda polis qüvvələri, bir hərbi maşın, suvuran maşın, 5-6 PPX maşını var.
İnsidentin Nardaranda “Rəhimə xanım” ziyarətgahının yaxınlığında namaz vaxtı baş verdiyi bildirlir.
Virtualaz.org bildirir ki, hadisə nəticəsində yaralılananlar Bakının 3 saylı Klinik Xəstəxanasına aparılıb. Xəstəxananın qəbul şöbəsindən məlumatı təsdiq ediblər. Xəstəxananın reanimasiya şöbəsindən isə 2 nəfərin öldüyünü deyiblər. Lakin hadisənin motivləri barədə hər hansı məlumat verilmir.
Nardaran ağasaqqalı Hacı Natiq Kərimov Meydan TV-yə olayı təsdiqləsə də, ətraflı bilgiyə malik olmadığını deyib: “Mən özüm indi kəndə gedirəm. Özümə də telefonla deyiblər”.
