Vəkil: ”Onların hamısı qrip və soyuqdəymədən əziyyət çəkir”
Bir müddət əvvəl aclıq aksiyasına başlayan “Müsəlman Birliyi” Hərəkatının həbsdə olan sədri Taleh Bağırzadə, AXCP sədrinin müavini Fuad Qəhrəmanlı və digərləri dekabrın 23-dən aclıq aksiyasını dayandırıblar.
Bu barədə Meydan TV-yə məlumat verən vəkil Yalın İmanov bildirib ki, təqsirləndirilən şəxslərin hamısı xəstələnib:
“Onlar hər prosesdə məhkəməyə gətirilirlər, lakin iclasda iştiraklarına icazə verilmir. Soyuq zirzəmidə saxlanılırlar. Buna görə də hamısı qrip və soyuqdəymədən əziyyət çəkir”.
Təqsirləndirilən şəxslər dekabrın 19-da aclıq aksiyasına başlamışdılar. Onlar məhkəmə prosesinin təqsirləndirilən şəxslər olmadan keçirilməsinə etiraz edirdilər.
