Nardaran işində daha 12 nəfərin məhkəməsi gözlənir

Onlar hakimiyyət əleyhinə iğtişaşlarda və bir sıra ağır cinayətlərdə ittiham edilirlər

Source:

foto Famil Mahmudbəyli
foto Famil Mahmudbəyli


Onlar hakimiyyət əleyhinə iğtişaşlarda və bir sıra ağır cinayətlərdə ittiham edilirlər

Nardaran qəsəbəsindəki olaylarda saxlanan Zülfüqar Mikayılov, Elman Ağayev və daha 10 nəfər barəsində cinayət işinin istintaqı başa çatıb.

İş üzrə vəkillərin APA-ya bildirdiyinə görə, hazırda cinayət işi materialları ilə tanış olurlar. Ardınca cinayət işi məhkəməyə göndəriləcək. Onlar hakimiyyət əleyhinə iğtişaşlarda və bir sıra ağır cinayətlərdə ittiham edilirlər.

Ötən il noyabrın 26-da Nardaran qəsəbəsində keçirilən xüsusi əməliyyatda ikisi polis olmaqla, altı şəxs həlak olub.

Rəsmi bilgilərə görə, “Müsəlman Birliyi” Hərəkatının 70-dən çox tərəfdarı həbs edilib (Hüquq müdafiəçilərinin siyahısında bu rəqəm 87 göstərilir). Daha yüngül maddələrlə ittiham edilənlərin məhkəməsi başa çatıb. Həmin şəxslər 1 il 6 aydan 6 il 6 aya qədər həbs cəzası alıblar.

“Müsəlman Birliyi” Hərəkatının sədri Taleh Bağırzadə, Abbas Hüseynov və daha 16 nəfərin məhkəməsi ayrılıqda davam edir. T.Bağırov və onunla saxlananlar qətldə və bir çox başqa ağır cinayətlərdə suçlanırlar. Təqsirləndirilən bu ittihamları rədd edir, ifadələrin işgəncə altında alındığını bildirirlər.

Məhkəmədə zərərçəkən kimi ifadə verən DİN Baş Mütəşəkkil Cinayətkarlıqla Mübarizə İdarəsinin əməkdaşları “Nardaran işi”ndə həbs olunanlara işgəncə verilməsi ilə bağlı deyilənləri təkzib ediblər.

Ana səhifəXəbərlərNardaran işində daha 12 nəfərin məhkəməsi gözlənir