Namizədlə görüşə gələn: “Mən JEK işçisiyəm, məni göndəriblər”

4-cü dəfədir deputat olmaq istəyən Ziyad Səmədzadə seçiciləri ilə görüş keçirib. Görüşə gələnlər içərisində JEK işçiləri də olub. Onların bir neçəsi görüşə işdən göndərildiklərini deyiblər. Görüşə gəlib qapı arxasında qalan JEK işçisi deyir: “Mən bu 12 ildə millət vəkilimi tanımıram. Məni göndəriblər ki, ora get. Bura gəlib deyirəm ki, xahiş edirəm, məni içəri buraxın ayaq üstdə durum, şikayət eləməyəcəm, sadəcə istəyirəm ki, millət vəkilimi tanıyım. Bu insanlar qətiyyən məni içəri buraxmaq istəmir. Mən bu insanı (oxu: Ziyad Səmədzadə) 12 ildə tanımamışam”.