Mərasimə telefon vasitəsiylə qatılan Fərəc Kərimli hər kəsə salamlarını çatdırdı, ona görə narahat olmamağı tövsiyyə etdi
Oktyabrın 13-də Müsavat Partiyasının qərargahında vicdan məhbusu Fərəc Kərimlinin 30 illik yubileyi qeyd olundu. Müsavat Gənclər Təşkilatının təşəbbüsü ilə keçirilən bu toplantının aparıcısı Nigar Yaqublu idi.
Yubiley tədbirində Müsavat başqanı Arif Hacılı, MSDM-in sədri İsa Qəmbər, Fərəc Kərimlinin vəkilləri Nemət Kərimli və Xalid Bağırov, atası Raqif Kərimli və AMDP-nin lideri İsgəndər Həmidov çıxış ediblər.
Onlar Fərəc Kərimlinin və digər siyasi məhbusların cəmiyyətimiz qarşısında xidmətlərini sadalayıb və onların valideynlərinə göstərdikləri dəyanətə görə təşəkkürlərini ifadə ediblər.
Mərasimə telefon vasitəsiylə qatılan Fərəc Kərimli hər kəsə salamlarını çatdırdı, ona görə narahat olmamağı tövsiyyə etdi.
