Müsavatçıların aksiyası

Mənbə: meydan tv

Başlıq: Müsavatçıların aksiyası

Müsavatçı gənclər İran səfirliyi qarşısında piket keçirməyə cəhd ediblər (yenilənib)

Məqalə yeniləndi:  17 İyul 2019

***

14.25. Müsavat Partiyasından verilən məlumata görə, Elman Quliyev sərbəstdir.

***

13.30. Gənclər Təşkilatının sədri Elman Quliyev istisna olmaqla digər saxlanılanlar sərbəst buraxılıb.

***

Aksiyaçılar arasıda saxlanılanların olduğu bildirilir

İyulun 17-də Müsavat Partiyasının gəncləri İran İslam Respublikasının Bakıdakı səfirliyi qarşısında piket keçirməyə cəhd ediblər. Daha çox mülki formada olan polislər müsavatçıları yeraltı keçiddən buraxmasalar da, onlar “İçərişəhər” metrostansiyasının qarşısında “Azadlıq” şüarlarını səsləndiriblər.

Müsavatçılardan Tofiq Yaqublu, Razim Əmiraslanlı, Ayxan Hacıbəyli, Arzulla Buludlu, Əziz Məmiyev, Rəhim Yaqublu və Gənclər Təşkilatının sədri Seymur Quliyevin saxlanıldığı bildirilir.

Müsavatçılar polislərə deyiblər ki, səfirlik qarşısında əsas etirazları İranın Ermənistanı silahla təmin etməsinə, güneyli fəal Abbas Lisaninin həbsinədir.

Bakı Şəhər İcra Hakimiyyəti iyulun 15-də Gənclər Təşkilatının səfirliyin qarşısında aksiya keçirmək müraciətinə rədd cavabı vermişdi.

Bakıda etiraz: Müsavatçı gənclərin İran səfirliyi qarşısında etirazına mane oldular

Mənbə: Azadlıq Radiosu

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  17 İyul 2019
Bölmələr:  
qısa linklər:   http://mtv.re/2xf8ga

Ən çox baxılan