İsa Qəmbər mübarizəni sonuna qədər davam etdirməyə and içib
Mayın 28-də AXC-nin yüzillik yubileyi günündə müxalif Müsavat Partiyasının yüzlərlə üzvü və tərəfdarı Novxanı qəsəbəsində Azərbaycan Xalq Cümhuriyyətinin banisi Məmməd Əmin Rəsulzadənin abidəsi önündə aksiya keçirib.
Partiyanın keçmiş lideri İsa Qəmbər xəstəlikdən sonra ilk dəfə kütlə qarşısına çıxaraq, nitqlə çıxış edib.
Şərqdə ilk demokratik respublikanın yaradılmasında Rəsulzadənin rolunu qeyd edən Qəmbər AXC-nin demokratiyanın səviyyəsinə və insan hüquqlarına hörmətə görə hazırki Azərbaycandan daha mütərəqqi dövlət idi.
Qəmbər AXC-nin də, respublikanın müstəqilliyi bərpa edildikdən sonra başda Əbülfəz Elçibəy olmaqla, Azərbaycanın ilk milli hökumətinin də Rusiya tərəfindən və ya Rusiyanın dəstəyi ilə keçirildiyinə diqqət çəkib.
Hakim rejimin AXC-nin nailiyyətlərini və 100 il əvvəl təməli qoyulmuş ənənələri unutdurmaq səylərinə baxmayaraq, Azərbaycan xalqı Rəsulzadənin və onun tərəfdarlarının xidmətlərini xatırlayır və onlara hörmət edir, deyə o qeyd edib.
Qəmbərin fikrincə, demokratiya uğrunda mübarizənin uğuruna inanmaq lazımdır. “Azadlıqların, ədalətin, ərazi bütövlüyünün təmin ediləcəyindən əmin olmaq lazımdır. Buna şübhə ola bilməz. Qələbəyə qeyd-şərtsiz inam olmalıdır”, deyə Qəmbər bildirib.
O, mübarizəni sonuna qədər davam etdirməyə and içib və aksiya iştirakçıları onu dəstəkləyərək, “Azərbaycan, Azərbaycan!” şüarları səsləndirməyə başlayıblar.
Aksiya toqquşmasız keçib.
