İyunun 19-da Avropada yaşayan bir qrup azərbaycanlı mühacir Almaniyanın Münhen şəhərində aksiya keçirib. Müsavat AKM Bayern koordinatorluğunun təşəbbüsü ilə keçirilən aksiyada 50-yə yaxın şəxs iştirak edib. Onların arasında Müsavat, AXCP, digər siyasi təşkilatların üzvləri, eləcə də jurnalistlər olub. Aksiya iştirakçıları “Siyasi məhbuslara azadlıq!” şüarı səsləndiriblər, Azərbaycandakı problemləri alman dilində yazılmış plakatlarla ictimaiyyətə çatdırmağa çalışıblar.
