Hamımız azərbaycanlıyıq. Sildirəndən sonra da xeyri olmadı. Yaxşı eləmişəm
Ötən gün müğənni Xatirə İslamın instaqramda bahalaşma ilə bağlı izləyicilərini təhqir etməsi ciddi müzakirələrə səbəb olub.
“Qafqazinfo”nun məlumatına görə, müğənninin xalqa ünvanladığı ağır ifadələr dünəndən sosial şəbəkələrdə tənqid olunur.
Müğənni etirazlardan bir neçə saat sonra yazdığı paylaşımı silib.
“Qafqazinfo” isə başverənlərlə bağlı Xatirə İslamın mövqeyini öyrənib. Müğənni ona yazılan şərhlərə cavab verdiyini qeyd edib:
“Ağlım olsaydı yazılan şərhləri ilk gündən oxumazdım. Bu mənim ən böyük səhvimdir. 25 gün bundan əvvəl, yəni 20 dekabr tarixində prezidentin şəklini paylaşmışdım. Şəklin altından xoşagəlməyən şərhlər yazıblar. Mən də şərh yazanlara cavab vermişəm. Üstündən 25 gün keçəndən sonra məsələni şişirtdilər. Əgər xalqı təhqir etmişəmsə, onda niyə heç nə demədilər? Pis söz yazmışmasa, niyə o vaxtı görmürdülər? Niyə xətirlərinə dəymirdi? Guya, Xatirə xalqı təhqir edib. Dolları Xatirə qaldırıb? Niyə mənim haqqımda belə yazırlar? İndi mən bu təhqirlərə cavab verməməliyəm? Mən bu şərhlərlə bağlı heç bir yerə müraciət etməyəcəm. Məhkəmələrə gedən yaşımdı? Ona görə də mənə əcəb edirlər. Mən niyə şərhləri oxuyuram ki, belə də şərh yazırlar. Bundan sonra şərhləri oxumayacam. O gün köməkçimə dedim, sil paylaşımı, ailəli adamam. Hamımız azərbaycanlıyıq. Sildirəndən sonra da xeyri olmadı. Yaxşı eləmişəm”.
