Müdafiə Xətti

Mənbə: Amerikanın səsi

Başlıq: Müdafiə Xətti

"Müdafiə Xətti"nin həmtəsisçiləri Almaniya səfiri ilə görüşüblər

Məqalə yeniləndi:  27 Sentyabr 2021

Zaur Əkbər: "İnsan haqlarının ölkədəki vəziyyətini müzakirə etdik"

Sentyabrın 27-də "Müdafiə Xətti" hüquq müdafiə təşkilatının həmtəsisçiləri Zaur Əkbər və Rüfət Səfərov Almaniyanın Azərbaycandakı səfirliyinin I katibi Andreas Holtla görüşüblər.

Bildirilir ki, görüşdə təşkilatın fəaliyyəti və yaxın gələcək üçün insan hüquqları ilə bağlı atacağı addımlar Andreas Holtun diqqətinə çatdırılıb.

Zaur Əkbər Meydan.TV-yə deyib ki, görüşdə daha çox ölkədə insan haqlarının vəziyyətini müzakirə ediblər: "Siyasi məhbusların məhkəmələrinə diqqətin artırılmasını da vacib sayırıq. Buna görə də biz səfirliyin rəsmilərinin siyasi məhbusların məhkəmələrinə qatılmalarını xahiş etdik. O cümlədən, savaşdan ötən bir il sonra insan haqlarının hansı vəziyyətdə olması barədə əhatəli söhbət etdik. Geniş müzakirələrin sonunda cənab Holt "Müdafiə Xətti" ilə insan haqları sahəsində yaxından əməkdaşlıq etməyə hazır olduqlarını bildirdi".

Zaur Əkbərin sözlərinə görə, görüş ərəfəsində Almaniyanın Azərbaycandakı səfiri Volfqanq Maniq qısa da olsa, müzakirələrə qatılıb: "Sonda isə "Müdafiə Xətti" olaraq, Almaniya səfirliyinin siyasi yüklü cinayət təqibləri üzrə məhkəmə proseslərini, o cümlədən də Niyaməddin Əhmədovun, Əlizamin Salayevin hüquqi vəziyyətini diqqətdə saxlamasını xahiş etdik".

"Müdafiə Xətti" hüquq müdafiə təşkilatı 2020-ci ilin iyul ayında Azərbaycanda insan haqlarının qorunmasına və dəstəklənməsinə, hüququn aliliyinin, qanunun üstünlüyünün təmin edilməsinə yardım məqsədilə yaradılıb.

Təşkilatın həmtəsisçiləri Rəşid Hacılı, Samirə Ağayeva, Zəfər Əhmədov, Zaur Əkbər, Əlayif Həsənov, Təzəxan Mirələmli, Sayğın Rüstəm və Rüfət Səfərovdur.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  27 Sentyabr 2021
Bölmələr:  
qısa linklər:   http://mtv.re/0q7efs

Ən çox baxılan