“Hazırda məhv edilmiş PUA-nın qalıqlarının aşkar olunması istiqamətində axtarış aparılır”
Sentyabrın 20-də, saat 23 radələrində Şəmkir və Tovuz rayonu ərazisində güclü partlayış səsi eşidilib.
Bu barədə Şəmkir rayon sakinləri məlumat verib. Məlumatda bildirilir ki, ard-arda iki güclü partlayış səsi eşidilib. Vurulan hərbi pilotsuz uçuş aparatı (PUA) Şəmkir rayonun Sabirkənd kəndi ərazisinə düşərək partlayıb.
Azərbaycanın Müdafiə Nazirliyinin məlumatı təsdiqləyib. Nazirlik bildirib ki, Ermənistana məxsus növbəti taktiki PUA vurulub:
“Sentyabrın 20-si saat 23.13-də Ermənistan silahlı qüvvələrinin bölmələrinə məxsus taktiki pilotsuz uçuş aparatı (PUA) Hava Hücumundan Müdafiə bölmələrimiz tərəfindən məhv edilib. Hazırda məhv edilmiş PUA-nın qalıqlarının aşkar olunması istiqamətində axtarış aparılır”.
Ermənistan tərəf faktla bağlı hər hansı məlumat yaymayıb.
