Müdafiə Nazirliyi

Mənbə: Müdafiə Nazirliyi

Başlıq: Müdafiə Nazirliyi

Müdafiə Nazirliyi: Ermənistana məxsus atəş mövqeləri sıradan çıxarıldı

Ermənistanın Müdafiə Nazirliyi deyilənləri təkzib edir

Azərbaycan tərəfi Ermənistan silahlı qüvvələrinə məxsus atəş mövqelərini sıradan çıxardığını deyir.

Müdafiə Nazirliyinin yaydığı məlumatda bildirilir ki, iyulun 13-ü günün ikinci yarısında Ermənistan silahlı qüvvələrinin atəş mövqeləri, kəşfiyyat bölməsinin radiolokasiya stansiyası, hərbi avtomobil texnikası üçün saxlanc, tank, zirehli transportyor, 20 nəfərdən çox şəxsi heyəti, tabor qərargahı və hərbi infrastrukturu Azərbaycan tərəfinin dəqiq atəşi ilə darmadağın edilib.

“Qarşı tərəf itkilərini gizlətməklə ictimaiyyətini aldatmağa davam edir”, - deyə məlumatda qeyd olunur.

Azərbaycan Müdafiə Nazirliyinin əməliyyatı

Azərbaycan Müdafiə Nazirliyinin əməliyyatı

Mənbə: Müdafiə Nazirliyi

Ermənistan tərəfi deyilənləri təkzib edib. “Armenpress”in məlumatına görə, Müdafiə Nazirliyinin V.Sarkisyan Hərbi Universitetinin komanda və kadrlar şöbəsinin müdiri Artsrun Hovhannisyan öz “Facebook” səhifəsində yazıb ki, Ermənistan tərəfi heç bir itki verməyib.

“Azərbaycan Müdafiə Nazirliyi yaxşı keyfiyyətdə saxta videolar hazırlayır. Təxribatlara uymayın, Ermənistan Silahlı Qüvvələri vəziyyətə tam nəzarət edir. Bizdə itkilər yoxdur", - Hovhannisyan yazıb.

İyulun 12-də günorta saatlarından başlayaraq Tovuz rayonu istiqamətində atəşkəs pozulub. Azərbaycan Müdafiə Nazirliyinin məlumatına görə, Ermənistan silahlı qüvvələri tərəfindən artilleriya qurğularından istifadə etməklə Azərbaycanın mövqelərini atəşə tutublar. Müdafiə Nazirliyi döyüşlərdə Azərbaycan Silahlı Qüvvələrinin 4 əsgərinin öldüyünü, 4 nəfərin yaralandığını bildirib. Nazirlik sonradan həkimlərin səyinə baxmayaraq, yaralılardan birinin də həyatını itirdiyini qeyd edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/oy441n

Ən çox baxılan