”İŞİD terror qruplaşmasına qoşulanlar arasında ən az azərbaycanlılardır”
“Son bir ildə Suriyaya Azərbaycandan bir nəfər olsun belə getməyib”.
Dini Qurumlarla İş üzrə Dövlət Komitəsinin sədri Mübariz Qurbanlı belə deyib. Onun sözlərinə görə, Dövlət Təhlükəsizliyi Xidmətinin apardığı təhlillərə əsasən belə qənaətə gəlinib.
APA-nın xəbər verir ki, “Fitnə” sənədli filminin təqdimat mərasimində çıxış edən Mübariz Qurbanlı onu da deyib ki, müsəlman ölkələrindən İŞİD terror qruplaşmasına qoşulanlar arasında ən az azərbaycanlılardır.
