Akif Çovdarov deyilənləri təkzib edir
Atam Akif Çovdarova 350 min dollar verib
Bu iddianı məhkəmədə zərərçəkmiş kimi ifadə verən “Texnikabank” ASC-nin Səbail rayon Filialının keçmiş müdiri olmuş Elton Əliyev söyləyib. O bildirib k, 2007-ci ildə MTN-nə çağırılıb və hansısa mərtəbəyə qaldırılıb. Orada onu sorğu-sual ediblər. Daha sonra onu buraxıblar. Sonradan ona məlum olub ki, MTN əməkdaşları atasından 500 min dollar istəyiblər. Atası da A.Çovdarova 350 min dollar pul verib.
Ondan əvvəl isə digər zərərçəkənlər ifadə verib.
Məhkəmə mənasız məsələləri araşdırır
Fevralın 8-də Sabunçu rayon Məhkəməsində ləğv edilmiş Milli Təhlükəsizlik Nazirliyinin sabiq idarə rəisi, general Akif Çovdarov və digərlərinin məhkəməsi davam edib.
Meydan TV-nin məlumatın görə, Sabunçu rayon Məhkəməsinin hakimi Həbib Həsənovun sədrlik etdiyi iclasda Kürdəmir rayon İcra şöbəsinin keçmiş rəisi Hikmət Quliyev və Kürdəmir rayon bələdiyyə sədri Nofəl Qasımov şahid qismində ifadə veriblər.
N.Qasımov bildirib ki, Kürdəmirdə “Xatirə” restoranı 2000-ci ilə kimi fəaliyyət göstərib. Onun sözlərinə görə, Şeyman İmanov adlı şəxs həmin ərazini o zamanlar icarəyə götürüb.
Hikmət Quliyev isə ifadəsində deyib ki, həmin restorana gedən yol “Raf 2006” MMC tərəfindən kəsildikdən sonra restoranın sahibi Şeyman İmanov məhkəməyə müraciət edərək restorana yol açılmasını istəyib. Həmin məsələdə məhkəmə Ş. İmanovun xeyirinə qərar qəbul edib. Lakin Ş. İmanov gəlib məhkəmə qətnaməsini almayıb.
Həmin məsələyə münasibət bildirən A.Çovdarov deyib ki, məhkəmə mənasız məsələləri araşdırır.
Nofəl Qasımov vəkillərin sualların cavablandıran zaman bildirib ki, istintaqda verdiyi ifadə təhrif edilib. O, həmin ifadəni təkzib edib. Bildirib ki, A. Çovdarovu tanımayıb və onun kiməsə hədə-qorxu gəlməsini bilmir.
“Həmin vaxt Antiterror Mərkəzində işləmişəm”
Daha sonra Elton Əliyev ifadə verib. Onun atasından 350 min dollar alınması ilə bağlı iddiasına münasibət bildirən A. Çovdarov deyib ki, həmin vaxt o, birinci mərtəbədə oturub və Antiterror Mərkəzində işləyib. Həmin mərkəzin isə banklarla heç bir əlaqəsi olmayıb.
Proses fevralın 13-də davam edəcək.
Tarixçə
E. Əliyev istintaq zamanı ifadəsində bildirib ki, atası Əliyev Nəsib Yusif oğlu “Badu Kubə” MTK və “Şahbulaq” MTK-nın təsisçisi, eləcə də “Yeni Yasamal” MTK-nın həmtəsisçisi olub.
E. Əliyev deyib ki, 2007-ci ilin sentyabr ayında saat 11 radələrində Atatürk prospektində “Texnikabank”ın əsas filialının inzibati binasından işdən çıxarkən mülki geyimli iki nəfər ona yaxınlaşaraq MTN-in vəsiqəsini göstərib, nazirliyə getməli olduğunu deyiblər. Həmin şəxslərdən hansı səbəbdən onlarla getməli olduğunu soruşduqda ona hər şeyin nazirlikdə araşdırılacağı bildirilib.
Bir saatdan sonra onun yanına izahat alan əməkdaş və daha iki nəfər gələrək, dostcasına söhbət etməyə başladıqlarından sonuncuların öz istədiklərinə nail olduqlarını başa düşüb. Təxminən gecə saat 02 radələrində onu həmin əməkdaşlardan biri nəzarət-buraxılış məntəqəsinə ötürüb. O, şəxsiyyət vəsiqəsini və mobil telefonunu götürərək evə gedib. Evdə atasının onun arxasınca MTN-ə getdiyi bildirilib. Çox yorğun olduğundan yatıb.
Bundan sonra o öz avtomobili, həmin şəxslər isə öz avtomobilləri ilə nazirliyə gediblər.
MTN-də onu 8 saat bir otaqda saxlayıblar. Bu vaxt ərzində onunla heç kim ünsiyyətdə olmayıb. Həmin gün hava qaraldıqdan sonra otağa orta boylu, əlamətlərini xatırlamadığı bir əməkdaş daxil olub, ondan iş fəaliyyəti ilə bağlı izahat almağa başlayıb. Həmin şəxs ona atası ilə bağlı suallar verməyə başlayıb. Atası ilə bağlı ona suallar verilməyə başlandıqda o, həmin şəxslərin atası ilə maraqlandıqlarını başa düşüb. Çünki 3-4 ay öncə – 2007-ci ilin may ayında atası “Badu Kubə” MTK-nın ofisində olarkən bir müştəri içəri daxil olaraq həmin MTK-nın inşa etdiyi Yeni Günəşli massivindəki çoxmərtəbəli yaşayış binasından mənzil almaq istədiyini deyib və ilkin ödənişi ABŞ dolları ilə verərkən ofisinə MTN əməkdaşları daxil olublar. Həmin MTN əməkdaşları MTK-nın sənədlərini apararaq atasını nazirliyə çağırtdırıb və Akif Çovdarov ondan 100.000 ABŞ dolları tələb edib. Atası isə 80.000 verə biləcəyini deyərək 80.000 dolları Akif Çovdarova onun xidməti otağında verib. Atasından bir dəfə 80.000 dolları aldıqlarına görə tam əmin olub ki, onu nazirliyə atasından pul almaq üçün gətiriblər.
Söhbətin sonunda həmin əməkdaş ona mobil telefon verib, atasına zəng edərək MTN-ə çağırmasını istəyib. E. Əliyev öncə atasına zəng etməkdən imtina edib. Lakin həmin əməkdaş ondan təkidlə bunu tələb etdikdən sonra saat 24 radələrində atasına zəng edib. O, atasına telefonda MTN-ə gətirildiyini, onun da həmin nazirliyə gəlməsinin tələb edildiyini bildirib. Atası da MTN-ə gələcəyini bildirib. O, telefonla danışdıqdan sonra həmin əməkdaş da atası ilə danışıb. Bundan sonra E. Əliyev təxminən bir saat otaqda tək qalıb. Bir saatdan sonra onun yanına izahat alan əməkdaş və daha iki nəfər gələrək, dostcasına söhbət etməyə başladıqlarından sonuncuların öz istədiklərinə nail olduqlarını başa düşüb. Təxminən gecə saat 02 radələrində onu həmin əməkdaşlardan biri nəzarət-buraxılış məntəqəsinə ötürüb. O, şəxsiyyət vəsiqəsini və mobil telefonunu götürərək evə gedib. Evdə atasının onun arxasınca MTN-ə getdiyi bildirilib. Çox yorğun olduğundan yatıb.
Atası səhər ona buraxılmasına görə Akif Çovdarovun 500.000 dollar istədiyini, özünün isə 350.000 dollar toplayıb verə biləcəyini deyib.
MTN-dən buraxıldığı gecənin səhərisi atası bacanağı Elçindən 100.000 dollar, tanışı Yavərdən 150.000 dollar, Mübariz Xudayevdən isə 100.000 dollar borc alıb, həmin gün apararaq xidməti otağında Akif Çovdarova verib. Bunları ona atası danışıb. Bundan sonra MTN əməkdaşları ilə onun hər hansı münasibəti olmayıb. Atası Nəsib Əliyev isə Elçin, Rauf və Ceyhun adlı şəxslərin şikayəti ilə 2010-cu ildə yenidən MTN-ə çağırılıb.
2010-cu ildən yaşamaq üçün Moskva şəhərinə getdiyini deyən E. Əliyev bildirib ki, 2013-cü ildə anasının ona zəng edərək Suraxanı Rayon Polis İdarəsi tərəfindən axtarıldığını söyləyib. O, “Badu Kubə” MTK-nın inşa etdiyi Yeni Günəşli qəsəbəsi V massivindəki yaşayış binasında mənzillərin təkrar satışında ittiham edildiyini bildirib.
2015-ci ilin sentyabrın 2-də o, Moskvada hüquq-mühafizə orqanları tərəfindən saxlanılaraq 8 aydan sonra Azərbaycana ekstradisiya edilib. Hazırda barəsində Baş prokuror yanında Korrupsiyaya Qarşı Mübarizə Baş İdarəsində cinayət işinin istintaqı aparılır.
