MSK

Mənbə: meydan tv

Başlıq: MSK

MSK Rafael Cəbrayılovun səlahiyyətlərinə xitam verdi

“Müraciət MSK üzvləri tərəfindən səsə qoyularaq qəbul edilib”

Oktyabrın 2-də Mərkəzi Seçki Komissiyası (MSK) Milli Məclisin deputatı Rafael Cəbrayılovun səlahiyyətlərinə xitam verilməsi məsələsinə baxıb.

Bu barədə MSK-dan Meydan TV-yə daxil olan məlumatda qeyd olunub.

Bildirilib ki, Rafael Cəbrayılov mandatından imtina etməklə bağlı parlamentə müraciət edib:

“Eyni zamanda, Milli Məclis onun deputat səlahiyyətlərinə xitam verilməsi üçün MSK-ya müraciət göndərib. Müraciət MSK üzvləri tərəfindən səsə qoyularaq qəbul edilib”.

R.Cəbrayılovun deputat vəsiqəsini girov qoyub pul götürməsi məsələsi ictimaiyyətdə rezonans doğurub, bir neçə gün mətbuatın və sosial şəbəkələrin gündəmi olub. Məlum olub ki, o, ev tikmək üçün 300 min ABŞ dolları məbləğində borcu notariat qaydasında 2015-ci il sentyabrın 9-da təsdiq edib. Məlumata görə, ona borc verən Təranə Rasim qızı Fətəliyeva ilə deputat ailəvi yaxın münasibətlərdə olub.

Rafael Cəbrayılov

Rafael Cəbrayılov

Mənbə: meydan.tv

Borcun qaytarılmadığını görən Təranə Fətəliyeva Abşeron Rayon Məhkəməsinə müraciət edib. Məhkəmə iddiaçının xeyrinə 15 fevral 2019-cu ildə qiyabi qətnamə qəbul edib. Cavabdeh şəxs, Rəfael Cəbrayılov məhkəmənin qərarı ilə razılaşmayaraq, apelyasiya şikayəti verib. Apelyasiya məhkəməsi birinci instansiya məhkəməsinin qərarını qüvvədə saxlayıb. Məsələ ictimailəşəndən sonra R.Cəbrayılov mandatdan imtina edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/qc6ota

Ən çox baxılan