Müxalifət və müstəqil namizədlər etiraz etmək üçün avqustun 3-də Moskvanın Bulvarı boyunca yürüş etməyi planlaşdırırlar
Bir neçə məşhur rus musiqiçisi bu həftə sonu Moskvada şəhər meriyasının təyin etdiyi və müxalif siyasətçilərin planlaşdırdığı mitinqlə eyni zamana təsadüf edən pulsuz konsert və yemək festivalında çıxış etməyəcəklərini deyiblər, – Azadlıq Radiosu xəbər verir.
Tədbiri iyulun 31-də elan edilib və 3-4 avqust tarixlərində Gorki Parkda keçiriləcək. Moskva şəhər rəsmiləri deyiblər ki, pulsuz barbekü və “Shashlik Live” musiqi festivalında iştirak etmək və Moskvanın ən yaxşı restoranları tərəfindən hazırlanan “ət yeməklərindən” zövq almaq istəyən qonaqlar festivala dəvətlidirlər.
“Shashlik Live”-də ifaçı kimi göstərilən ən az iki qrup tədbirdə iştirak etməyəcəklərini söyləyiblər. “Bravo” və “Tequillajazz” üzvləri “Twitter”-də qeyd ediblər ki, qruplar tədbirdə çıxış etməyəcəklər, çünki heç vaxt “3 avqustda hər hansı bir konsert keçirməyi” planlaşdırmırdılar.
İyulun əvvəlində hakimiyyət bir neçə namizədin bələdiyyə seçkilərində iştirakını qadağan etdikdən sonra Moskvada etiraz aksiyaları davam edir. Hakimiyyət qeyd edir ki, müxalifətçilərin topladığı 5500 imzanın bəziləri etibarsızdır.
Rusiya paytaxtında 27 iyulda baş vermiş son mitinqdə 1400-ə yaxın nümayişçi polis tərəfindən saxlanıb.
Sentyabrın 8-də keçiriləcək səsvermədə iştirak etmək üçün qeydiyyatdan keçməmiş müxalifət və müstəqil namizədlər etiraz etmək üçün avqustun 3-də Moskvanın Bulvarı boyunca yürüş etməyi planlaşdırırlar.
Planlaşdırılan müxalifət yürüşü şəhər rəhbərliyi tərəfindən təsdiqlənməyib və polis qüvvələrinin etirazı dayandırmaq üçün yenidən güc tətbiq edəcəyi gözlənilir.
İyulun 27-də Moskvada saxlanılan onlarla etirazçı icazəsiz aksiyanın təşkili və aksiyada iştirak etdiyi üçün cərimələnib və həbs cəzası alıb.
Onlardan bir neçəsi polisə hücum iddiası ilə cinayət məsuliyyətinə cəlb olunub.
