Mirvari Qəhrəmanlı

Mənbə: Mirvari Qəhrəmanlının şəxsi arxivindən

Başlıq: Mirvari Qəhrəmanlı

Mirvari Qəhrəmanlı: Kəskin hava şəraitində neftçilər taleyin ümidinə buraxılır

“Neftçilər köhnə, təhlükəli dəniz özüllərindən evakuasiya olunmayıblar”

“Sentyabrın 25-i axşam saatlarından 26-sı səhərə kimi Bakıda hava şəraiti pisləşib. Amma güclü külək olacağı bilindiyi halda dənizdə olan neftçilər köhnə, təhlükəli dəniz özüllərindən evakuasiya olunmayıblar”.

Bunu Meydan TV-yə Neftçilərin Hüquqlarını Müdafiə Təşkilatının sədri Mirvari Qəhrəmanlı deyir. Onun sözlərinə görə, rəhbərlik etdiyi təşkilata Neft Daşları 3,1 və 5 saylı mədənin özüllərindən, həmçinin Nərimanov adına Neft-Qaz Çıxarma İdarəsindən məlumatlar daxil olub. Neftçilər bununla bağlı narahatlıqlarını bildiriblər.

“Neftçilər deyirlər ki, hava şəraitinin dəyişəcəyi, küləyin surətinin artacağı ilə əlaqadar “Azneft” İstehsalat Birliyindən telefonoqramma daxil olub. Bununla belə, təhlükəli, köhnə dəniz özüllərindən işçilər evakuasiya olunmayıblar. Səhər saatlarında açıq dənizdə küləyin sürəti 25-30 m/s-, dalğanın hündürlüyü 4-5 metr təşkil edib. Güclü yağış yağıb və külək əsib. Dənizdəki stasionar dəniz özülləri beşik kimi yellənir, köşklər su içindədir”, - Qəhrəmanlı söyləyib.

O, hava şəraiti ilə bağlı baş vermiş faciələri xatırladıb və kəskin hava şəraitində neftçilərin taleyin ümidinə buraxıldığını qeyd edib.

Dövlət Neft Şirkətindən isə Meydan TV-yə deyiblər ki, pis hava şəraitində dənizdəki neftçilərin təhlükəsizliyi təmin olunur.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/4446vo

Ən çox baxılan