Mirtağı Əsədovun azadlığa buraxılması ailəsi üçün gözlənilməz olub

Mirtağı Əsədov

Mirtağı Əsədov

Apelyasiya Məhkəməsi Gürcüstan müsəlmanlarının şeyxini azadlığa buraxıb

Noyabrın 29-da Bakı Apelyasiya Məhkəməsi Gürcüstan Müsəlmanları Ali Dini İdarəsinin rəhbəri Mirtağı Əsədovun sərbəst buraxılması haqda qərar çıxarıb.

Məlumatı Meydan TV-yə Mirtağı Əsədovun həyat yoldaşı Şəhanə Hacıyeva təsdiqləyib.

Şəhanə Hacıyeva qərarın onlar üçün gözlənilməz olduğunu deyib:

“Çünki 30 sutka inzibati cəza alan yoldaşımın vaxtından tez buraxılacağını gözləmirdik. Dünən axşam bizə zəng etdilər ki, səhər gəlin. Binəqədidə Müvəqqəti Saxlanma yerinə getdik, görüşəcəyimizi zənn edirdik. Sonradan Bakı Apelyasiya Məhkəməsinə getməli olduğumuzu söylədilər. Nə baş verdi ki, Mirtağını buraxdılar, bilmirik”.

Şəhanə Hacıyeva həbsdən apelyasiya şikayəti verəcəkləri haqda suala konkret cavab verməyib:

“Bu barədə hələ müzakirə aparmamışıq”.

Mirtağı Əsədov noyabrın 7-də Azərbaycan-Gürcüstan sərhəd buraxılış məntəqəsində saxlanılıb. Mirtağı Əsədov İnzibati Xətalar Məcəlləsinin 510 və 535.1-ci maddələri ilə təqsirli bilinib və barəsində 30 gün müddətinə inzibati həbs tədbiri seçilib.

Gürcüstan Müsəlmanları Ali Dini İdarəsinin məlumatına görə, M.Əsədov 2 il əvvəl Azərbaycan vətəndaşlığından imtina edib.

Onun ailəsinin Azərbaycanda yaşadığı, ailəsinı baş çəkmək üçün ildə bir neçə dəfə Azərbaycana səfər etdiyi bildirilir.

İdarədən deyiblər ki, Gürcüstanın Müsəlmanlar Ali Dini İdarəsinin sədri olan M.Əsədov son aylarda Gürcüstandakı məscidlərin durumu ilə bağlı tənqidi çıxışlar edib. O, Gürcüstanda məscidlərin dövlət mülkiyyətinə verilməsinə, sovet dövründə dini birliklərə dəyən zərərin kompensasiya edilməsi qaydasına qarşı çıxıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/jec6l5

Ən çox baxılan