Vidadi Mirkamal

Mənbə: Foto: arxiv

Başlıq: Vidadi Mirkamal

Milli Şuranın üzvü təzyiqlərlə üzləşdiyini deyir

“Mən “Bakcell” şirkətini, Realtv-ni və DİN-in Mütəşəkkil Cinayətkarlığa Qarşı Mübarizə Baş İdarəsini ittiham edirəm”

Demokratik Qüvvələrin Milli Şurasının funksioneri, hüquqşünas Vidadi Mirkamal bir neçə gündür müxtəlif formada təzyiqlərlə üzləşsiyini deyir.

Vidadi Mirkamal təzyiqlərdə DİN-in Mütəşəkkil Cinayətkarlığa Qarşı Mübarizə Baş İdarəsinə bağlı media orqanlarını və Real TV-ni suçlayır.

Bu barədə Meydan TV-yə danışan Vidadi Mirkamal hazırda vəkilləri ilə məsləhətləşmələr apardığını və Baş Prokurorluğa, Milli Televiziya və Radio Şurasına, Səbail Rayon Məhkəməsinə müraciət edəcəyini bildirib:

“Mən Konstitusiyanın 32, Cinayət Məcəlləsinin 155 və 156-cı maddələrinin pozulması ilə bağlı iddia qaldıracam. Söhbət telefon danışıqlarımın dinlənilməsindən gedir. Mən “Bakcell” şirkətini, Realtv-ni və DİN-in Mütəşəkkil Cinayətkarlığa Qarşı Mübarizə Baş İdarəsini ittiham edirəm. Biz məsələni hüquqi müstəvidə qaldırırıq, məhkəmənin qərarı olmadan niyə telefon danışıqlarımızı dinləyirlər? Real TV niyə telefon danışıqlarını efirdə yayır? Bu suallara cavab verilməlidir”.

Vidadi Mirkamal deyib ki, ona təzyiqlər əvvəlcə söhbət və vədlər formasında, sonra hədə-qorxu və sonunda konkret tədbirlər formasında aparılıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/yyibdp

Ən çox baxılan