Faktla bağlı araşdırma aparılır
Meyxanaçı Bayram Kürdəxanılını avtomobillə vuran şəxs tutulub.
“Report” yazır ki, onu Emin Fərhadovun idarə etdiyi “Peugeot” markalı, 10-PS-782 dövlət seriya nişanlı avromobil vurub. Meyxana ustası ağır xəsarət alıb.
Hadisəni törətmiş sürücü onu 3 saylı Şəhər Kliniki Xəstəxanasına çatdırsa da, həkimlər onun həyatını xilas edə bilməyiblər.
E.Fərhadov Sabunçu Rayon Polis İdarəsinin əməkdaşları tərəfindən saxlanılıb.
Faktla bağlı araşdırma aparılır.
Avqustun 23-də, gecə saatlarında meyxana aləmində Bayram Kürdəxanılı kimi tanınan meyxana ustası, 1961-ci il təvəllüdlü Bayramqulu Məşədi oğlu Quliyevi avtomobil vurub. O, aldığı xəsarətlərdən xəstəxanada ölüb.
