“Polisə müqavimət adı ilə saxlanılan gəncə görə başqasının evində niyə axtarış aparılsın?”
Sentyabrın 18-də hüquq-mühafizə orqanlarının əməkdaşları Meydan TV ilə əməkdaşlıq edən reportyor Cavid Abdullayevin kirayə qaldığı mənzildə axtarış aparıb. Polislər mənzildən 1 stolüstü kompüter, 2 kamera, 1 noutbuk götürüblər.
Olayı şərh edən Şirin Abbasovun vəkili Elçin Sadıqov bildirib ki, həmin mənzil müdafiə etdiyi şəxsin evi deyil və o, İnzibati Xətalar Məcəlləsinə görə cəzalandırılıb: “Polisə müqavimət adı ilə saxlanılan gəncə görə başqasının evində niyə axtarış aparılsın və jurnalistlərin ləvazimatları götürülsün? Bu, müvafiq qanunvericiliyə ziddir. Çünki İnzibati Xətalar Məcəlləsinə görə məınzildə axtarış aparılmır”.