Sentyabrın 8-də müstəqil jurnalist Aytac Tapdıq Baş Prokurorluğun Ağır Cinayətlərə dair İstintaq İdarəsinə çağrılıb. Jurnalist bildirib ki, prokurorluğa müstəntiq Əli Babayev tərəfindən dəvət olunsa da, onu Ramiz Alıverdiyev dindirib. Daha öncə dindirilən jurnalistlərin bildirdiyi kimi, Aytac Tapdıq da qeyd edib ki, prokurorluğa “Mingəçevir hadisələri” ilə bağlı çağrılsa da, ona əsasən, Meydan Tv haqda suallar verilib.