Mənbə: Meydan.TV

Mərkəzi Bankın qarşısında aksiya- “Elman Rüstəmov pullarımızı versin”

Mərkəzi Bankın qarşısında aksiya- “Elman Rüstəmov pullarımızı versin”

“Mən cənab prezidentə səslənirəm. Dövlət Təhlükəsizlik Xidməti, Korrupsiya İdarəsi haradadır? 200 milyona yaxın pul yeyilib. Nəyi gözləyirlər? 1000 manat rüşvət alanı götürüb “asırlar” ki, siz cinayət törətmisiniz. 200 milyon pul yeyilib burada, niyə cavab verən yoxdur?”

Müflis elan olunan bankların əmanətçiləri Mərkəzi Bankın qarşısında etiraz aksiyası keçiriblər. “NBC Bank”, “Əmrahbank”, “Atabank” ASC-nin bir sıra əmanətçiləri pullarını geri ala bilmirlər. Onlar banka əmanət qoyduğu vaxt artıq Mərkəzi Bank “NBC Bank”a əmanət qəbul etməyi qadağan edibmiş. Əmanətçilər bildirir ki, azı 100 nəfər banka məhz bu tarixdən sonra əmanət yatırıb

Şikayətçilərin qarşısına çıxan Mərkəzi Bankın sədr müavini Alim Quliyev problemin 10 günə həll olunacağını dedi. Onun çıxışından sonra polislər aksiya iştirakçılarını bankın qarşısından uzaqlaşdırdılar.

Qanunvericiliyə görə bu halda banklar əmanəti sığortalanmış şəxslərin vəsaitlərini üç ay ərzində tam konpensasiya etməlidir. Bu müddət xüsusi hallarda 6 ayadək uzadıla bilər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/ylwrd9

Ən çox baxılan