Mənbə: Meydan TV

Mənzilə 200 min ödədi, müqaviləsi saxta çıxdı

Mənzilə 200 min ödədi, müqaviləsi saxta çıxdı

“Konstra” MTK tikinti şirkətinə mənzil almaq üçün yüzminlərlə pul ödəyib evsiz qalanlar Korrupsiyaya qarşı Mübarizə İdarəsinə şikayətə gəlib. 2018-2019-cu illərdə “Konstra” MTK-dan mənzil alan vətəndaşlar bir müddət sonra aldadıldıqlarını başa düşüblər. Möhsün Sənani ünvanında “Konstra” MTK-nın elanı “Orxan TİT” MMC ilə əvəz olunur. Sakinlərə “Orxan TİT” MMC, yəni sifarişçi şirkət bildirir ki, onların müqavilələri saxtadır.

“Konstra” MTK-nın təsisçisi reyestr məlumatlarında Bəsrət Abbaslı göstərilir. Şikayətçilərsə deyir ki, tikintini maliyyələşdirən əslində Bəsrət Abbaslının atası Bəhram Abbasovdur. O, Hesablamalar Palatasının Dövlət investisiyalarının auditi şöbəsinin müdiridir.

Baş Prokurorluğun məlumatına görə, “Orxan TİT” MMC-nin (hazırda “Şəhər İncisi Yaşayış Kompleksi”) sifarişçisi olduğu yaşayış binasındakı 143 mənzili MTK-nin təsisçiləri ayrı-ayrı şəxslərə qanunsuz satılıb. Əldə edilmiş pul vəsaitinin dələduzluq yolu ilə ələ keçirmələrinə əsaslı şübhələr müəyyən edilib.

Faktla bağlı Cinayət Məcəlləsinin 178.3.2 (külli miqdarda ziyan vurmaqla dələduzluq), 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanıb. İstintaq davam edir.

Orxan TİT MMC-nin direktoru Məhərrəm Həsənov Meydan TV-yə bildirib ki, “Konstra” MTK onların da işgüzar nüfuzuna xələl vurub. “Konstra” MTK podratçıdır, satış səlahiyyəti yoxdur. Şirkət alıcılara saxta müqavilələr verib.

“Konstra” MTK müqavilələrin saxta olması ilə bağlı alıcıları məhkəməyə verib. Sakinlərin sözlərinə görə, mənzili kreditlə götürən alıcıların ödənişləri davam etdiyindən onların adı siyahıda yoxdur.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/8xllxj

Ən çox baxılan