Noyabrın 23-də Bakı Apelyasiya məhkəməsində AXCP sədrinin müşaviri Məmməd İbrahimin həbs müddətinin uzadılması ilə bağlı verdiyi şikayətə baxılıb. Vəkil Yalçın İmanov Meydan TV-yə bildirib ki məhkəmə 12:30 – a təyin olunsa da, saat 16:00-a qədər təxirə salınıb və Məmməd İbrahimin şikayəti təmin olunmayıb.
Məmməd Ibrahim AXCP-dən çıxarılan Razi Nurullayevin dəstəsindəki Mikayıl Quliyev adlı birinin şikayəti əsasında başlanmış cinayət işi üzrə sentyabrın 30-da saxlanılıb. Ona qarşı Cinayət Məcəlləsinin 221.2.2-ci (vəzifəsini yerinə yetirən və ya ictimai qaydanın pozulmasının qarşısını alan hakimiyyət nümayəndəsi, yaxud digər şəxsə müqavimət göstərməklə xuliqanlıq) maddəsilə yeni ittiham irəli sürülüb.
