Yeni sədr Paşayevlərə məxsus şirkətlərdən birinin rəhbəri idi
Zaur Mikayılov Azərbaycan Meliorasiya və Su Təsərrüfatı Açıq Səhmdar Cəmiyyətinin sədri təyin edilib.
Bu barədə dövlət başçısı İlham Əliyev aprelin 5-də sərəncam imzalayıb.
Zaur Mikayılov “Agro Supply” MMC-nin təmsilçisidir. Şirkət aqrar sektorla bağlıdır. 2017-ci ildə qeydə alınan “Agro Supply” MMC “PAŞA Holdinq” MMC ilə eyni hüquqi ünvanda – Bakı şəhəri, Nəsimi rayonu, Neftçilər prospekti, 153-də qeydiyyatdan keçib.
“
Pravda.az
” saytının yazdığına görə, martın 15-də Zaur Mikayılov PAŞA Holdinq” MMC-yə məxsus “Azərbaycan Supermarket” MMC-nin direktoru vəzifəsindən azad edilib.
Prezident İlham Əliyevin aprelin 2-də imzaladığı
sərəncam
la Əhməd Əhmədzadə Meliorasiya və Su Təsərrüfatı Açıq Səhmdar Cəmiyyətinin sədri vəzifəsindən çıxarılıb.
