Mənbə: Meydan.TV

Məktəbə getmək üçün hasardan aşan şagirdlər...

Məktəbə getmək üçün hasardan aşan şagirdlər...

Bu divarlara sakinlər öz aralarında “Berlin divarları” deyirlər. İki aydır Keşlə qəsəbəsinə sürət qatarı çəkildiyindən dəmir yolunun ətrafı hasarlanıb. Hasarın bir tərəfində Abdulla Mirzəyev küçəsinin sakinləri, o biri tərəfində məktəb, bağça, poliklinika, dövlət orqanlarının binaları qalıb. Sakinlər deyirlər, yolları 4 dəfə uzadılıb, əziyyət çəkirlər.

Piyada keçidindən savayı əraziyə gələn 15 , 30, 49, nömrəli avtobusların da marşrutu dəyişdirilib. Sakinlər təklif edirlər ki, ya dəmir yoluna nəzarətçi qoyulsun və uşaqları həmin vaxt dəmir yolundan keçə bilsinlər, ya da yerüstü piyada keçidi salınsın. Onlar deyir, Azərbaycan Dəmir Yolları QSC-dən məktublarına cavab veriblər ki, bunları etməyə pulları yoxdur.

Sakinlər bələdiyyə binasına daxil olaraq sədr Ələmdar Bafadarovla görüşüblər. Bələdiyyə sədri deyib ki, bu problemi həll etmək onların səlahiyyətində deyil. Amma problemin həll olunmasında onlar da sakinlərə dəstək olacaqlar.

Azərbaycan Dəmir Yolları QSC-dən məlumat ala bilmədik. Nizami rayon icra Hakimiyyətindən bildirdilər ki, əməkdaşlar sakinlərlə səyyar görüşdədirlər. Bakı Nəqliyyat Agentliyinin mətbuat katibi məzuniyyətdə olduğuna görə agentlikdən heç kim sualları cavablandırmaq istəmədi.

Uşaqlar isə təhlükəli olsa da, bu hasarları aşıb məktəbə gedən yollarını qısaldırlar.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/j3wagh

Ən çox baxılan