Mehman Hüseynov saxlanma şəraitindən narazıdır

Vəkil: “Ona məhbus üçün minimumlar təmin edilmir”

Source:


Vəkil: “Ona məhbus üçün minimumlar təmin edilmir”

Aprelin 19-da vəkil Elçin Sadıqov 2 il azadlıqdan məhrum edilən bloger Mehman Hüseynovla görüşüb.

Bu barədə “Facebook”-da məlumat yazan vəkil məhbus blogerin əhvalının normal olduğunu qeyd edib:

“Bakı Apelyasiya Məhkəməsinin 12 aprel tarixli qərarı təcridxanaya daxil olduğu üçün dünən öz kamerasından digər, tranzit (etapa gedən) məhbusların saxlandığı hücrəyə köçürülüb. Saxlanılma şəraitindən narazıdır. Ona məhbus üçün minimumlar təmin edilmir”.

Elçin Sadıqov Mehman Hüseynovun aprelin 19-da Cəzaçəkmə Müəsissəsinə köçürüləcəyini gözlədiyini bildirib.

Nəsimi RPİ-nin rəisi Musa Musayev Mehman Hüseynovu xüsusi ittiham qaydasında məhkəməyə verib. O, blogerin Cinayət Məcəlləsinin 147.2-ci (böhtan, ağır və ya xüsusilə ağır cinayətdə ittiham etməklə böhtan atma) maddəsi ilə məsuliyyətə cəlb olunmasını və cəzalanmasını istəyib.

Martın 3-də Suraxanı Rayon Məhkəməsinin hökmü ilə Mehman Hüseynov 2 il müddətinə azadlıqdan məhrum edilib. Bloger məhkəmə zalında həbs olunub.

Ana səhifəXəbərlərMehman Hüseynov saxlanma şəraitindən narazıdır