Bu gün “Turan” İnformasiya Agentliyinin ofisində yoxlama aparılıb. Meydan TV-yə məlumatı agentliyin direktoru Mehman Əliyev verib. O, yoxlamanın Nəsimi Rayon Məhkəməsinin qərarıyla aparıldığını söyləyib.
3 saatdan çox davam edən axtarış artıq bitib. Agentliyin direktoru Mehman Əliyev bildirib ki, axtarış edənlər maliyyə sənədlərini, mühasibin noutbukunu aparıblar. Agentlikdə axtarış həyata keçirən Vergilər Nazirliyinin əməkdaşları isə mətbuata açıqlama verməyiblər.
