65 yaşlı nənə Şirvan şəhərinin mərkəzi poçtun binasında məskunlaşan qaçqınlardan biridir. İndiyədək bir nəfərin belə bu insanlarla maraqlanmadığını deyən sakinlər ağır durumlarından şikayətlənir. Onların sözlərinə görə bir müddət əvvəl binada partlayış olub. Bir nəfər də olsun dövlət məmuru əraziyə gəlməyib. Binada su və qaz problemi var. Təkcə işıqla keçinirlər. 9 nəfərlik ailə bir otaqda yemək yeyir, çimir, yatır və namaz qılır.
Bura isə həmin ailənin getdiyi ayaq yoludur. Binada təbii ehtiyacları ödəmək üçün belə şərait yoxdur. İnsanlar suyu buradan 4-cü mərtəbəyə vedrələrdə daşıyırlar.
Məsələyə aydınlıq gətirmək üçün Şirvan rayonu icra hakimiyyətinin müavini Elmira Ağayeva ilə əlaqə saxladıq. O, heç kimin getməməsi ilə bağlı iddaların yalan olduğunu bildirdi.
