Maştağalı papaqçı

Mirbəxtiyar günün müəyyən bir hissəsini burada keçirir.

Mirbəxtiyar günün müəyyən bir hissəsini burada keçirir.

“Bəzən hazırladığım papağı satmıram”

Mirbəxtiyar Axundov 1967-ci ildə  Bakının Maştağa kəndində anadan olub. Ailədə altı bacı və dörd qardaş olublar. Bütün övladlarının dini təhsili var.  "Uşaqlıqdan atam bizə Quran oxumağı öyrədib.  Zaman keçdikcə, atam məni və qardaşlarımı peşə məktəbinə qoyub. Quran oxumağı orda təkmilləşdirmişik" – deyir Mirbəxtiyar Axundov.  

Mirbəxtiyarın qardaşlarından biri vəfat edib, digərləri isə Bakının müxtəlif kəndlərində yaşayır. Hazırda o, Maştağada papaqçılıqla məşğuldur. Papaqlara olan marağın azalmasına baxmayaraq, Mirbəxtiyar bu işi hələ də davam etdirir: "Uzun müddətdir ki, papaqçılıqla məşğul oluram.  Müasir papaqlar deyil, daha çox Bakı kəndlərində kişilərin geyindiyi papaqlara üstünlük verirəm.  İndi çox az adam papaq taxdığından sifarişlərim də getdikcə azalıb. Əvvəllər demək olar ki, hər ay 10-15 papaq sifarişi alırdımsa, indi 1, ya da 2 papaq sifarişi alıram.  Hazırladığım papaqların qiymətləri də müxtəlif olur.  Papaqların sifariş qiyməti 80 manatdan başlayıb 300 manata qədər dəyişirdi. Bəzən hazırladığım papağı satmıram; Yaxın adama hədiyyə edirəm".
 
Rəssamlığa həvəsinin isə təsadüfdən yarandığını deyir. "Uşaqlıqda da müxtəlif şəkillər çəkirdim. Daha sonra İslama olan marağım məni bu sahəyə həvəsləndirib. Evlərimin divarlarında da müxtəlif rəsmlər çəkmişəm. Divar boyalarının qiyməti baha olduğundan evimin divarlarında öz istədiyim kimi rəsmlər çəkməyi üstün tutdum" – deyir M.Axundov.  

Evi böyük olmasa da, bir otağını qonaqlar üçün ayırıb ki, evə gələn qonaqlar burada oturub söhbət etsinlər

Evi böyük olmasa da, bir otağını qonaqlar üçün ayırıb ki, evə gələn qonaqlar burada oturub söhbət etsinlər

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/zwoygq

Ən çox baxılan